Thursday, May 31, 2012

യാത്ര !!

ഞാന്‍ ഇന്നലെ അവിടെ ആയിരുന്നു
നിന്റെ നാട്ടില്‍ ...
നിന്റെ കഥകളില്‍ കൂടി ഞാന്‍  കേട്ട
മുക്കുറ്റി പൂക്കുന്ന തൊടിയില്‍
നിന്റെ പേര് കോറിയിട്ട കമുക് മരങ്ങളുടെ ഇടയില്‍
നിന്റെ മുത്തശ്ശിയുടെ എണ്ണ മണം നിറഞ്ഞ മടിയില്‍ ..
നിന്റെ പെണ്ണിന്റെ കണ്ണിന്റെ കറുപ്പില്‍
ഞാന്‍ നിന്റെ ബാല്യകൌമാരങ്ങള്‍
തേടി ....അലയുകയായിരുന്നു    ...
 
എവിടെയാണ് നീ നിന്റെ സംഗീതം ഒളിപ്പിച്ചു വെച്ചത്
തൂക്കണം കുരുവികള്‍ കൂട് കെട്ടിയ 
തെങ്ങോലകള്‍ ക്കിടയിലാണോ  ..?
 
എവിടെയാണ് നീ നിന്റെ സ്നേഹം ഉപേക്ഷിച്ചത്
പച്ച വിരിച്ച പാടത്തിന്റെ പുതപ്പിനടിയിലോ ..?
ആമ്പലുകള്‍ വിരിയാന്‍ മടിക്കുന്ന അമ്പല ക്കുളത്തിന്റെ
നിസബ്ദതയിലോ..?   ...
 
നിന്റെ ഗ്രാമഹൃദയത്തിന്റെ
ഓരോ കോണിലും നിന്നെ തേടുകയാണ് ഞാന്‍
പിച്ചകം പൂക്കുന തെച്ചി ചുവക്കുന്ന
നിന്റെ ഗ്രാമവീഥികളില്‍ എന്റെ കണ്ണുകള്‍ 
നിന്റെ സാന്നിധ്യം അറിയുന്നുണ്ട് 
ഇവിടെ വീശുന്ന കാറ്റിനും ഇവിടെ വിരിയുന്ന 
ഓരോ കാട്ടു പൂവിനും  നിന്റെ ഗന്ധമാണ്
ഈ ഗ്രാമം എനിക്ക് നിന്റെ ആത്മാവിന്റെ
തോട്ടറിയല്‍ ആണ് ...
 

1 comment:

  1. നന്ദി ...
    വീണ്ടും വരിക
    പറയാനുള്ളത് കേള്‍ക്കാന്‍

    ReplyDelete

അന്വേഷണത്തിന്റെ അവസാനം
അഭിപ്രങ്ങള്‍ക്ക് ഒരിടം !!