Tuesday, January 17, 2012

കൃഷ്ണദാസ്‌ നീ എവിടെയാണ്..!!


കരച്ചില്‍ തുളുമ്പുന്ന കണ്ണുകളും
മെല്ലിച്ചു ഇരുനിരമാര്‍ന്ന ദേഹത്തില്‍
ചേര്‍ത്ത് പിടിച്ച പുറംചട്ട പിഞ്ഞിയ
പുസ്തകവുമായീ   ദാസ്‌ എന്റെ
മനസ്സിന്റെ കോണില്‍ പുറം ചാരിനില്‍ക്കുകയാണ് ..

കറുത്ത കരയുള്ള മുണ്ടിന്റെ
കോന്തല ഇടതു കയ്യില്‍ തെരുപ്പിടിച്ചു
 അപരിചിതത്വത്തിന്റെ
നോട്ടവും പേറി വാതില്‍പടികടന്നു വന്ന
ആ അവസാന നാളും    ഉള്ളില്‍ പിടയലായീ അവശേഷിക്കുന്നു ...

ദാസ്‌ .. എവിടെ ആയിരുന്നു ..?
മറുപടി ആയീ കിട്ടിയ ശൂന്യത നിറഞ്ഞ നോട്ടത്തില്‍
ഒന്നും നേടാന്‍ ആയില്ല എന്ന വിഹ്വലത ആയിരുന്നോ
തുടിച്ചു നിന്നത്  ..?

കളിവാക്കു കൊണ്ടുപോലും    
കരയിച്ചിട്ടില്ലാത്ത കളിക്കൂട്ടുകാരന്‍.....
അക്ഷരങ്ങളുടെ ആദ്യലോകതേക്ക്‌  ഒന്നിച്ചു നടന്നവര്‍ ..
തെറ്റി വരുന്ന മഴയുടെ കീഴില്‍ ...
ഇലക്കുട പിടിക്കാന്‍ ആദ്യം പഠിപ്പിച്ചവന്‍ ...
കാറ്റിനോട് കെഞ്ചി നാട്ടുമാങ്ങ വീഴ്ത്തി..
കൂട്ടുകാരെ തോല്‍പ്പിച്ച വന്‍...

എന്തേ..? അവസാനം യാത്ര പറഞ്ഞപ്പോള്‍ ...
നിന്റെ കുറും പിന്റെ  കൂട്ട് പിടിക്കാന്‍ ...
നിന്റെ ചിലങ്കകള്‍ കിലുങ്ങുന്നത് കേള്‍ക്കാന്‍...
ഇനി ഞാന്‍  ഇല്ല എന്നൊരു വാക്ക്
പറയാന്‍ മറന്നത് ..?

കൃഷ്ണദാസ്‌ നീ എവിടെയാണ്..?
അവിടെയും  കാറ്റുപോയ സൈക്കിള്‍
നോക്കി നീ നിസ്സഹായനായീ നില്‍ക്കാറുണ്ടോ  .?
മഴയത്ത് ചെമ്പിലകുട ചൂടാറുണ്ടോ ..?
തൊട്ടാവാടിയില്‍    പറ്റുന്ന വാലന്‍ തുമ്പിയെ...
ഈര്‍ക്കില്‍  വലയത്തില്‍ കുരുക്കാറുണ്ടോ..?
കളിപന്തുതട്ടിയെറിഞ്ഞു തോറ്റുപോയ
ദേഷ്യം  തീര്‍ക്കാറുണ്ടോ ..?
ഇപ്പോഴും കരച്ചിലിന്റെ ശബ്ദം നിന്നെ അസ്വസ്ഥന്‍ആക്കാറുണ്ടോ ?

വേര്‍പെടാന്‍ വെമ്പി നില്‍ക്കുന്ന താളുകളുള്ള
ഏതു പുസ്തകത്തിലാണ് മാനം കാണാതെ പെറ്റു പെരുകുന്ന 
ആ മയില്‍ പീലി  നീ ഒളിപ്പിച്ചതെന്നു ഓര്‍മയുടെ താളുകളില്‍
ഇപ്പോഴും ഞാന്‍ തിരയുകയാണ് .....!!
 
  


 Dedicated to my childhood friend Das who commited suicide in his teen age

Friday, January 6, 2012

അഗ്നിശുദ്ധി...!!



ഞാന്‍ എരിയുകയാണ്‌...
പിറവിയുടെ വേദനയില്‍  ഹവിസ്സ് ചേര്‍ത്ത്
കവിതകളില്‍ അഗ്നി ജ്വലിപ്പിച്ച്
പിന്‍വിളി കേള്‍ക്കാതെ
പിടയുന്ന മനസ്സിനെ  ആത്മ രോഷത്തില്‍ തടവിലിട്ടു
അഗ്നിയുടെ മാറില്‍ മുഖം ഒളിപ്പിച്ചു
ഞാന്‍ തീകുടിക്കുകയാണ്....

എന്റെ ആത്മാവിനെ വിഴുങ്ങി വിശപ്പടുക്കുന്ന
 അഗ്നി നാളങ്ങള്‍ സാക്ഷി ....
ആ ചിതയില്‍ എരിയുന്ന എന്റെ പഴകി ദ്രവിച്ച
ശരീരത്തിന്റെ ഉള്ളില്‍ പുനര്‍ജനി തേടുന്ന
 ഒരു മനസ്സുണ്ട്...!!!
ഉറുമ്പരിച്ചു ഹോമ ദ്രവ്യങ്ങള്‍ വീണു നനഞ്ഞ
ഭൂമിയില്‍ ഉയിരുതെടി പറന്നലഞ്ഞ ഒരു ഈയം പാറ്റയുടെ
അകാലത്തില്‍ മുറിഞ്ഞകന്ന   ചിറകുകള്‍ പോലെ ....
ഉത്തരങ്ങള്‍ ഇല്ലാത്ത ചോദ്യങ്ങള്‍
അഗ്നിജ്വാലകളില്‍ അന്ത്യ വിധി തേടുമ്പോള്‍
എന്റെ ഉള്ളില്‍ പുകമണം ഉയരുന്നു
ഞാന്‍ അഗ്നിശുദ്ധി നേടി
മണ്ണ് ആയീ  മാറുന്നു....