Friday, July 29, 2011

വേനല്‍


View Full Size Image
എരിയുന്ന  പകലിന്റെ കയ്യില്‍
പിടയുന്ന ഭൂമിയുടെ ഉള്ളില്‍
തിരതള്ളി ആര്‍ക്കുന്ന ലാവ...
അകവും പുറവും കരിക്കുന്ന
വേനലിന്റെ അഗ്നി താണ്ടവം...

കനലായ് പെയ്യുന്ന..
സൂര്യ തേജസ്സില്‍
ഇരുട്ടിന്റെ കാട്ടാളന്‍
ദഹിക്കുന്ന ഗന്ധം ....

വിഴുങ്ങുന്ന അഗ്നിയുടെ
ചൂടാര്‍ന്ന ജ്വലകളില്‍ അമരുന്ന
ചിന്തകളുടെ ജ്വലിക്കുന്ന
നീലനിറം ..
തീരുന്ന പകലിന്റെ കണ്ണുകളില്‍
വേദനയുടെ ചുവപ്പ് ...








Friday, July 1, 2011

കാഞ്ചന ശില ...


ജനിക്കാന്‍ ഭൂമിയുടെ ഗര്‍ഭ പാത്രം നിയോഗ മാക്കിയവള്‍ ....     
വിളിക്കാന്‍ അച്ഛന്റെ മുഖം കടം കൊണ്ടവള്‍..    

കാടേറി തിരിഞ്ഞു നോക്കാതെ മുന്‍പെ നടന്നപ്പോള്‍
കൂട്ടായീ നിഴല്‍ പറ്റി പുറകെ നടന്നവള്‍

കാലത്തിന്റെ നിയോഗം തീര്‍ക്കാന്‍
അഗ്നിയില്‍ ഒളിക്കാന്‍ വിധിക്കപ്പെട്ടവള്‍

കവികള്‍ക്ക് പാടാന്‍ പതിവൃത്യത്തിനു പുതു 
നാമം കുറിച്ചവള്‍ ...

തീവ്രതയേറിയ  രാവണ ശരങ്ങള്‍
നേത്രാഗ്നിയില്‍ ദഹിപ്പിച്ചവള്‍

ഒരു പൊഴി  വാക്കിന്റെ നിഴലില്‍
കാട്ടിലുപെക്ഷിക്കപ്പെട്ട   സ്ത്രീത്വം ...

അവളെ വാമ ഭാഗത്തിരുത്താന്‍  
കാഞ്ചന ശി ലയാക്കി  മാറ്റണമോ ..? 

നിന്നെ ഹൃദയത്തില്‍ പേറി എന്ന തെറ്റിന്
അവളുടെ ഹൃദയതാളം ശിലയില്‍
തടവിനിടെണമോ..?