Tuesday, November 22, 2011

നര!!



കറുപ്പിന്റെ അഗാധതയില്‍ വെളുപ്പിന്റെ ആധിപത്യം
ഉറപ്പിക്കാന്‍ നരയുടെ അനുവാദം ഇല്ലാത്ത കടന്നു കയറ്റം!!

ആരോ തീര്‍ത്ത അതിര്‍ വരമ്പുകളില്‍ ഉടക്കിയ ജീവന്റെ പുസ്തകം
മടക്കാന്‍ കാലമാകുന്നു എന്ന ഓര്മ പെടുതലിനു
അടിവരയിട്ടു കൊണ്ട് അതിക്രമിച്ചു കടന്ന
നരയുടെ അക്രമത്തിനു  മുകളില്‍
ചായം വാരി പുരട്ടി പിടിച്ചു നിര്‍ത്തുന്ന
ജീവന്റെ പച്ചപ്പ്‌  നോക്കി നരയുടെ ചിരി ...!!

അനുഭവങ്ങള്‍ ചുഴി തീര്‍ത്ത നെറ്റിയോടു
അകലം തീര്‍ത്തു  പ്രതി ബിംബത്തില്‍ കാലപ്പഴക്കത്തിന്റെ
ചുളിവുകള്‍ തീര്‍ത്തു....
അനുഭവങ്ങളുടെ വെള്ള വര ഒന്നായീ...
രണ്ടായീ അനേകം ആയീ ആയുസ്സിന്റെ
താളുകള്‍ ചീന്തിക്കൊണ്ടേ ഇരിക്കുന്നു         
 !!

Friday, November 4, 2011

തൊട്ടാവാടി !!!


മുള്ളുകള്‍ കൊണ്ടുതീര്ത്ത മേനിയില്‍
അഴകാര്‍ന്ന പൂക്കള്‍ വിരിയിക്കാന്‍
വടക്കന്‍ കാറ്റിന്റെ കൈകള്‍
എത്താന്‍ അവള്‍ കാത്തു നിന്നു...

തൊട്ടവരിലൊക്കെ കുറുമ്പിന്റെ
കൂര്‍ത്ത മുള്ളുകള്‍ കൊണ്ട് മുറിവേല്‍പ്പിച്ചു 
കുഞ്ഞിപൂക്കളെ ഇല ചാര്‍ത്തില്‍ഒളിപ്പിച്ചു  അനേകം 
സൂര്യാസ്തമനങ്ങള്‍ തള്ളി നീക്കി...

പെരുമഴ പെയ്ത ദിനങ്ങള്‍ താണ്ടി
പകലിന്റെ കാഠിന്യം  താണ്ടി ..
വസന്തത്തിന്റെ വരവിനു വേണ്ടി   
മിണ്ടിയും പറഞ്ഞും കടന്നു പോകുന്ന
എല്ലാവരോടും പിണങ്ങിയും നാണിച്ചു
 തലകുമ്പിട്ടും  തൊട്ടാവാടി പെണ്ണ് കാത്തിരുന്നു..
കാത്തിരുപ്പിനോടുവില്‍..
തീഷ്ണതയുടെ കൊടും കാറ്റയീ  വടക്കന്‍ 
കാറ്റെതി  ..അവളുടെ സ്വപ്നങ്ങല്‍ക്കുമേല്‍
താണ്ടവമാടി  ...അവളെ വേരോട് പിഴുതു
വന്യമായ   ശൂന്യതയില്‍  തള്ളി തിരിഞ്ഞു നോക്കാതെ
തിരിച്ചു പോയീ ....