Sunday, January 25, 2015

നീ കടന്നു പോയപ്പോൾ ............
















ഉള്ളിൽ അനേകം തിരയിളക്കങ്ങൾ തീർത്തു
നീ കടന്നു പോയപ്പോൾ 
അഗാധ  ശൂന്യതയിൽ ഞാൻ ഒറ്റപ്പെട്ടു പോയതു പോലെ ...
ഓർമകളുടെ പെയ്തിൽ ഞാൻ  നനയുന്നത് നീ അറിയുന്നുണ്ടോ ?
.........................................................................
അകലെയാണെങ്കിലും   തീ പോലെ ഉള്ളിൽ ജ്വലിക്കുന്നുണ്ട് 
തീവ്രഭാവങ്ങൾ തീർത്ത് നിന്റെ മുഖം ...........
നിന്നെ ഞാൻ തിരയുകയാണ് 
ഒരു കടംകഥയുടെ അപ്പുറത്ത് ......
ഓർമയുടെ  മയിൽ  പീലി കതിരിന്നുള്ളിൽ ..!

..........................................
കാണാപ്പുറത്തു നിന്ന് നീ എന്നെ കാണുന്നുണ്ടാവും  
ത്രിസന്ധ്യയുടെ ഓരോ നിറവിലും 
എന്നെ  തിരയുന്നുണ്ടാവും.
കയെത്തി പിടിക്കാനാവാത്ത ശൂന്യതയിൽ 
ലക്ഷ്യമില്ലാത്ത യാത്രയിൽ എന്റെ 
സ്നേഹ നോട്ടങ്ങൾക്ക്  വേണ്ടി
തുടിക്കുന്നുണ്ടാവും ........   
............................

എന്റെ വീണ്‍വാക്കുകൾ  
ചിതറിത്തെറിക്കുന്ന ചിരികൾ  
പരാതികൾ , പിണക്കങ്ങൾ 
സിന്ദൂര രേഖ പടർത്തിയ 
ചുംബനങ്ങൾ ഇല്ലാതെ 
ഒറ്റപ്പെടലുകൾ നേരിടുന്നുണ്ടാകും .....
......................................
ഞാൻ അതറിയുന്നില്ല എന്ന് നീ
കരുതുന്നുണ്ടാകും ...എങ്കിലും ...
ഞാൻ ഇവിടെയുണ്ട് ...
നിന്റെ സ്നേഹക്കൂട്ടിൽ 
പറക്കമുറ്റാത്ത ഈ കിളിക്കുഞ്ഞുങ്ങൾക്ക്‌ 
ചിറകായി .................


അകാലത്തിൽ പ്രിയപ്പെട്ടവനെ നഷ്ടപ്പെട്ട എന്റെ പ്രിയ കൂട്ടുകാരിക്ക് ..

2 comments:

  1. :( വേര്‍പ്പാട് താങ്ങാനുള്ള കരുത്ത് കൂട്ടുകാരിക്ക് ഈശ്വരന്‍ നല്‍കട്ടെ.... പ്രാര്‍ത്ഥനകള്‍

    ReplyDelete

അന്വേഷണത്തിന്റെ അവസാനം
അഭിപ്രങ്ങള്‍ക്ക് ഒരിടം !!