നിന്നെ കുറിച്ച് പറയുമ്പോൾ .....

pic frm google

മഴയാണ് നീ ....!

തുലാ വർഷം  പോലെ
എന്റെ ചേതനയിൽ
പെയ്ത് പെയ്തു
നനഞ്ഞു  കയറുന്നവൻ ....
ഇടവപ്പാതി പോലെ വന്ന്
എന്റെ പരാതി കേട്ട്
പരിഭവം തീർത്തു പോകാൻ
തിടുക്കം കാ ട്ടുന്നവൻ ..
എന്റെ മഴ
......................................................................

പുഴയാണ് നീ ....!
ഉപരിതലത്തിൽ കരുതലിന്റെ ചൂട്
ആഴങ്ങളിൽ സ്നേഹത്തിന്റെ തണുപ്പ്
ഒഴുകുമ്പോൾ നീയുള്ളിൽ തീർക്കുന്നത്
എണ്ണമറ്റ  ഓർമ്മകളുടെ  ജലമർമരം  ...
എന്റെ പുഴ ...
......................................................................

കടലാണ് നീ .....!
സ്നേഹച്ചുഴികൾ  ഉള്ളിലൊളിപ്പിച്ചു
ഗൌരവം നടിക്കുന്നവൻ...
എന്നെ തേടുന്ന  കണ്ണുകളിൽ
സ്നേഹത്തിന്റെ ഒരായിരം തിരകൾ
...............................................................................

അറിയുകയാണ് ..!!
നീ എന്റെ അഞ്ജന കല്ല്‌.......!
എന്നാൽ ....
ചന്ദനം പോലെ അലിയുന്ന ഒന്ന്...!
ഹൃദയത്തിൽ ചേർത്ത് പിടിച്ചു
നിന്റൊപ്പം നടന്ന ദൂരം മതി
ഒരു ജന്മത്തിന്റെ പുണ്യം നേടാൻ.....