നീ ഇല്ലാത്ത പകല് നേരങ്ങള് എന്നെ
വല്ലാതെ നോവിക്കുന്നു..
നിന്റെ ഓര്മയില് കുരുങ്ങികിടക്കുന്ന
എന്റെ ചിന്തകള് എവിടെയാണ് അലയുന്നത്..?
തിരക്ക് പിടിച്ച ഇടവഴികളില്...
പച്ച പായല് വളര്ന്നു നില്ക്കുന്ന കുളക്കരയില്..
വയലിന്റെ ഓര്മ്മകള് മരിച്ചു തുടങ്ങിയ ..
ഇഷ്ടികകളങ്ങളില്..
ഒഴുകാന് മറന്ന പുഴയുടെ വൃത്തികെട്ട പുതിയ രൂപത്തില്...
ഇടിഞ്ഞു വീഴാറായ വായന ശാലയുടെ
നനഞ്ഞ മൂലയില് ..
ഞാന് എന്തോ തേടുന്നു...?
എന്റെ ഗ്രാമത്തിന്റെ ആത്മാവോ, നിന്നെയോ.?
അതോ എന്നെ തന്നെയോ
ഞാന് തേടുന്നത്...