മാ നിഷാദ!!!
തറച്ച അമ്പ്‌ വലിചൂരന്‍ കൈകള്‍ തരാത്ത
ദൈവത്തിനെ ശപിച്ചു കൊണ്ട് ആ
ക്രൌന്ച്ച മിഥുനം തേങ്ങി..
അരുതേ എന്ന തേങ്ങലില്‍
അലിയാതിരുന്ന ആ കാട്ടാള മനസ്സും
ഒരു നിമിഷം പിടഞ്ഞുവോ..?
നെഞ്ചിലെ ചൂട് തണുപ്പയീ മാറുന്നതിനു മുന്‍പ്
വേദന നിറഞ്ഞ കണ്ണുകള്‍ കണ്ണുകളില്‍ ഉടക്കി..
നീ വരുന്നില്ലെ എന്ന ചോദ്യം
അവയില്‍ പ്രതിഫലിച്ചു ...
മാ നിഷാദ!!!
ആദികാവ്യം പിറക്കാന്‍
രക്തബലി തന്നെ വേണ്ടി വന്നു...
അതിലൂടെ അനശ്വരനായ കിളിയെ ഓര്‍ത്തു..
തലമുറകള്‍ അഭിമാനം കൊണ്ടു..
അതിന്റെ ഇണയെ ആരോര്‍ത്തു...?
നഷ്ടം ആര്‍ക്കായിരുന്നു...
മാ നിഷാദ!!!
രക്തം ചൊരിഞ്ഞു ഒരു കാവ്യവും
എഴുതപ്പെടാതെ ഇരിക്കട്ടെ!!!
( മുംബൈ ഭീകര ആക്രമണത്തിന്റെ ഓര്‍മയ്ക്ക്)
No comments:
Post a Comment
അന്വേഷണത്തിന്റെ അവസാനം
അഭിപ്രങ്ങള്‍ക്ക് ഒരിടം !!