പെയ്തു തീരാതെ..

ചില്ല് ജാലകത്തിനപ്പുറത്തു
നിലാവിന്റെ കുഞ്ഞുങ്ങൾ 
ഓടിക്കളിച്ച മുറ്റത്തു
രാമഴയുടെ രൗദ്രതാളം ...
നീ വന്നത് ഒരു
ഒരു  മഴയുടെ കൈപിടിച്ചോ ?

അതോ ഒരു  വിഹ്വലതയായി ഉള്ളിൽ
കടന്നുകയറി എന്നെ തളർത്തിയ
ഒരു   വേർപാടിന്റെ  നോവിൽ
ആർത്തലച്ചു പെയ്തൊഴിയുന്ന
രാമഴയായി ഞാൻ മാറിയിരുന്നോ .. ?


ചിതറി കിടക്കുന്ന
ഓർമ യുടെ ചില്ലുകളിൽ
നനഞ്ഞ്‌ പടർന്ന  സിന്ദൂര രേഘകൾ
എന്നെ പൊതിയുന്ന കാറ്റിൽ
പേരറിയാ  പൂക്കളുടെ ഗന്ധം ..


മഴമണം നിറഞ്ഞു നിൽക്കുന്ന
ഇന്നലെയുടെ   അകത്തളത്തിൽ
പെയ്തു പെയ്ത് നീ ..
പുറത്ത് രാമഴ ..ഇപ്പോഴും പെയ്തു തീരാതെ ....