പൂർണ്ണത

picture from google

പ്രണയം ഉള്ളിലൊളിപ്പിച്ചു -
നീ അകലെയിരിക്കുക ..

ഇതളുകൾ കൊഴിഞ്ഞ
ഒരു പൂവിൽ ഞാൻ നിന്നെ തേടാം. 

വാക്കുകളടക്കി നീ
എന്നെ നോക്കുക 

ഇഷ്ട പദങ്ങളിൽ
ഞാൻ അവയെ തടവിനിടാം. 

ഉഴുതു തീർന്ന നെല്പ്പാടം
പോലെ നീ പരന്നു കിടക്കുക 

എന്റെ പരിഭവങ്ങൾ
വിതച്ചു ഞാൻ നിന്നെ നിറക്കാം. 

നിന്റെ  കാല്പാദങ്ങൾ
എനിക്ക് കടം തരിക 

പുതിയ സീമകളിൽ
ഞാനവയെ ചേർത്ത് വെക്കാം

 

ഉള്ളിൽ പെയ്ത് നില്ക്കുന്ന
അശാന്തിയെ നീയെന്ന
കുടയാൽ  മൂടിവെക്കുക .
ഇനി നിന്റെ ആത്മാവിന്റെ

അംശം തരിക ...

എന്റെ അപൂർണ്ണതയെ
ഞാൻ  പൂർണ്ണമാക്കട്ടെ  ..