Monday, March 16, 2015

ഒരോർമക്കുറിപ്പ്‌























കണ്ണുകളാണ് അകന്നത് ആദ്യം ..പക്ഷേ
മനസ്സുകൾ ഒട്ടിയിരുന്നു ...
പിന്നെ മനസ്സുകൾ അകന്നു ....
ചോദ്യങ്ങൾ മൂളലുകളിലും
ഉത്തരങ്ങൾ നിരർഥമായ  നോട്ടങ്ങളിലും
വീണുടഞ്ഞു ............

മഴ പാറ്റകൾ ജന്മമെടുക്കുന്ന നനവുള്ള  ഇടവീഥികളിൽ
എന്റെ കണ്ണുകൾ ഇപ്പോഴും തേടുന്നത്
കൊഴിഞ്ഞു പോയ ചിറകു തേടി
അലയുന്ന നിന്നെയാവാം ...

നെടു വീർപ്പുകളെ കെട്ടി തൂക്കിയിട്ട
മേലാപ്പിൽ തറഞ്ഞു പോയ കണ്‍കോണിൽ
നിറഞ്ഞു നില്ക്കാൻ മടിച്ചു
തുളുമ്പി പോകുന്ന ഒരു നീർത്തുള്ളി
എന്നിൽ നിന്ന് നീ വേർപെട്ടു  പോയ
ഒരു നിമിഷത്തെ കടമെടുത്തു....

അപശകുനത്തിന്റെ ഭാണ്ഡം പേറി
മനസ്സിന്റെ ഇടനാഴിയിലെവിടെയോ
പതുങ്ങി ഇരിക്കുന്നുണ്ട്
നീയെന്നിൽ തീർത്ത ശൂന്യതയുടെ
വന്യ നോട്ടങ്ങൾ ...

(പറഞ്ഞു കേട്ടത് പകർത്തിയെടുത്തപ്പോൾ)






3 comments:

  1. അകല്‍ച്ച തുടങ്ങുന്നതും അടുപ്പം തുടങ്ങുന്നതും ചെറിയ ഒരു ബിന്ദുവില്‍ നിന്നാണ്.

    ReplyDelete

അന്വേഷണത്തിന്റെ അവസാനം
അഭിപ്രങ്ങള്‍ക്ക് ഒരിടം !!