കാറ്റ് വരുന്ന വഴി ...
തുറന്നു കിടക്കുന്ന ഓരോ പഴുതിലൂടെയും
നുഴഞ്ഞു കയറാനാണ് അവനിഷ്ടം .....
തുറന്നിട്ട എല്ലാവഴി കളിലൂടെയും അവൻവരും..
ഉള്ളിലെക്കെടുക്കുന്ന ശ്വാസത്തിൽ അലിഞ്ഞു ചേരും ...
അനുവാദം ഇല്ലാത്ത ഒരു കടന്നു കയറ്റക്കാരനെപോലെ
ഇഷ്ടമുള്ളപ്പോൾ വരാനും പോകാനും അവൻ പഴുതുകൾ തേടി വെക്കുന്നുവോ ?...
അകത്തേക്ക് പ്രവേശിക്കുന്ന-
സുഭഗ വേഷമുപേക്ഷിച്ചു -
മുടിയിഴകൾ വിയർപ്പിൽ മുങ്ങി -
മലിനാംബരധാരിയായി അവൻ-
കുതറിയോടുമ്പോൾ അകതാരിലോരായിരം-
പെരുമ്പറകൾ ഒന്നിച്ചു ശ്രുതി ചേർക്കും.
പോകുന്നവഴിയവൻ
ചവിട്ടിതള്ളുന്ന പൂവിതളുകൾ
ജന്മം തീർന്നതിൽ പരിഭവമില്ലാതെ താഴേക്ക് പതിക്കും ..
തൊട്ടു തൊടുവിച്ചവൻ വിളിച്ചുണർത്തുന്ന പൂമൊട്ടുകൾ
നല്ല നാളെ സ്വപ്നം കണ്ടു ചിരിച്ചു നിൽക്കും
കൊമ്പുലച്ചു കൊന്നപൂമരത്തിലൊരൂഞ്ഞാലിട്ടു പൂമഴ പെയ്യിച്ചു
കല്പക വൃക്ഷ തുമ്പിലെ തൂക്കണാം കുരുവി കൂട്ടിലൊളിച്ചിരിക്കും ...
പട്ടു ചേലതുമ്പിൽ കുടുങ്ങി കുരുങ്ങി സ്വകാര്യതയിലേക്ക്
കടന്നു കയറ്റം നടത്തുന്ന നിന്റെ
കുസൃതിയിൽ മനം ഉടക്കി ഞാനുമൊരു കുസൃതി കാറ്റുപോലെ ..
pic from google-illustrative purpose only
pic from google-illustrative purpose only
കൊള്ളാം.
ReplyDeleteനന്ദി...!
ReplyDeleteകാറ്റ് അതിനിഷ്ടമുള്ള ദിക്കിലേക്ക് ഊതുന്നു. പ്രണയവും അതിനിഷ്ടമുള്ള ദിക്കിലേക്ക് ഒഴുകുന്നു.
ReplyDeleteകുസൃതി കാറ്റുപോലെ...:)
ReplyDelete