മുത്തിയുടെ ചിരി

പല്ലില്ലാത്ത മോണ കാട്ടി

മുത്തി ചിരിച്ചു....മുത്തിയുടെ കൈകള്‍

ചുക്കിച്ചുളിഞ്ഞ്‌ പോയിരുന്നു

എന്താ പറ്റിയത്..മുത്തി..?

 

മോന് ഓര്‍മയുണ്ടാകില്ല

മോനെ ഞാന്‍ എടുത്തു നടന്നതാ..

ഈ കൈകളിലെ പാടുകള്‍ കണ്ടില്ലെ..?

അത് മോന്‍ കടിച്ചതാ...

 

മുത്തിയുടെ തിങ്ങി നിറഞ്ഞിരുന്ന മുടി..?

എന്താ പറ്റിയത്..മുത്തി..?

 

മുത്തിയുടെ  മുടി പിഴുതു

മോന്‍ കാറ്റില്‍ പറത്തിയപ്പോ..

അകലെ മണി കിലുങ്ങിയതും..

മോന്‍ കിലുകിലെ ചിരിച്ചതും മുത്തി ഓര്‍ക്കുന്നു

 

മുത്തിയുടെ കണ്ണുകള്‍ കുഴിയില്‍ ആണ്ടിരുന്നു

എന്താ പറ്റിയത്..മുത്തി..?

 

മോന്‍ പറയാതെ മുത്തിയെ വിട്ടു പോയില്ലെ ...?

കാത്തിരുന്ന് കുഴിഞ്ഞു പോയതാനാണ് മുത്തിയുടെ കണ്ണുകള്‍...

നാലു കണ്ണുകള്‍ അവ എങ്ങനെ എന്ന...

ചോദ്യത്തിന്റെ അവസാനം തേടി നിറഞ്ഞൊഴുകി...

 

അപ്പോഴും മുത്തി ചിരിച്ചു കരച്ചിലിലൂടെ...

ആ ചിരി വേനല്‍ മഴ പോലെ എന്നില്‍ നിറഞ്ഞു