ഭൂതപ്പാട്ടില്‍ ഇരുന്നു മടുത്ത
ഭൂതം നാട് കാണാനിറങ്ങി..
കാര്‍മേഘത്തെ തോല്‍പ്പിക്കുന്ന
മുടിയില്‍ ചെം ചായം പൂശി..
വന്യത നിഴലിക്കുന്ന കണ്ണുകള്‍..
നിറമുള്ള കണ്ണാടിയില്‍ മൂടി..
ചുണ്ടുകള്‍ കറ തേച്ചു ചുവപ്പിച്ചു..
പല്ലുകള്‍ രാകി വെടുപ്പാക്കി..
ഖദര്‍ കുപ്പായത്തിന്റെ വെളുപ്പില്‍
കരിവീട്ടി ദേഹം മറച്ച്..
ഒരു കവലയില്‍ കാത്തു നിന്നു
ഉണ്ണികള്‍ അനേകം പേര്‍
ഭൂതത്തിന്റെ ചിരിയില്‍ മയങ്ങി
കളിയില്‍ മയങ്ങി..
തിരിച്ചു പോകാന്‍ മനസ്സില്ലാതെ കറങ്ങി നടന്നു..
ഉണ്ണികളെ ചോദിയ്ക്കാന്‍ അമ്മാര്‍ എത്തുന്നതും കാത്തു
മടുത്ത ഭൂതം ഓരോ വീടും കയറിയിറങ്ങി..
ഉണ്ണിയെ വേണ്ടേ...കണ്ണ് തരൂ എന്ന ഭൂതത്തിന്റെ
ജല്പന്നങ്ങള്‍ക്ക് ഉണ്ണിയെ ഒരു നേതാവാക്കി
തിരിച്ചു തരൂ എന്ന അഭ്യര്‍ഥന ഭൂതത്തിനെ കുഴക്കി
ഉണ്ണികളെ വഴിയില്‍ ഉപേക്ഷിച്ചു ഭൂതം
ഭൂതപ്പാട്ടിലേക്ക് തിരിച്ചു പോയീ
------------oo------
No comments:
Post a Comment
അന്വേഷണത്തിന്റെ അവസാനം
അഭിപ്രങ്ങള്‍ക്ക് ഒരിടം !!