ഞാന്‍ ആരാണ് ..?
ഏതോ വഴിയാത്രികന്‍ വിശപ്പടക്കി
വഴി വക്കില്‍ തള്ളിയ
ഒരു പഴത്തിന്റെ വിത്ത് ..?
അതോ അണ്ണാറകണ്ണന്‍റെ ചാട്ടം പിഴച്ചപ്പോള്‍
നിലം പതിച്ചതോ ..?
തത്തമ്മ ചുണ്ടുകളുടെ
സ്നേഹ ചുംബനത്തിന്റെ
ശേഷിച്ച പകുതിയോ ... ?
അഴുകിയ എന്റെ പുറം തോടില്‍
ചവുട്ടി മുഖം ചുളിച്ചവര്‍ ഇന്ന് എവിടെ ..?
ആകാശം തേടി വളര്‍ന്ന എന്റെ ചില്ലകളില്‍
നോക്കി അഭിമാനിച്ചു നിന്നവര്‍ എവിടെ ..?
കൂടെ കൂട്ടാനും തൊട്ടിലാട്ടാനും
കാറ്റും മഴയും മത്സരിച്ച നാളുകളില്‍
എനിക്കുചുറ്റും വേലി തീര്‍ത്തു
പൈതൃകപേരില്‍ എന്നെ സ്വന്തമാക്കിയത് ആര് ..?
കൂര്‍ത്ത മുനയാല്‍ എന്റെ പുറം തോടില്‍
കോറിയിട്ട അക്ഷരങ്ങള്‍ എന്നെ
നോക്കു കുത്തിയാക്കിയ ഈ വഴിയരുകില്‍
ഞാന്‍ ...!!
അവസരം കാത്തു കിടക്കുന്ന
അറവുമാടിനെ പോലെ ..!
എന്റെ ഊഴവും കാത്തു ഇനി എത്ര നാള്‍ ..?
