Monday, December 20, 2010

നിഴല്‍

നിഴലിന്റെ  പുറകിലെ   നിഴലിനെ തേടി
അലഞ്ഞു തീരുന്ന ദിനങ്ങള്‍... 
കരുതി വച്ചിരുന്ന കൂട്ടിലവനെ  അടച്ചിടാന്‍ 
വെമ്പുന്ന   മനസ്സ്‌..
വലുതാകുകയും ചെറുതാകുകയും ചെയുന്ന
സമയത്തിന്റെ കാവല്‍ക്കാരന്‍...
നിഴല്‍!!!
നീ എന്നെ മരണത്തിന്റെ മറുപുറം ഓര്‍മിപ്പിക്കുന്നു
സൌഹൃദത്തിന്റെ ബാക്കി പത്രം നീ എഴുതി തള്ളുന്നു
നീ നിലാവിന്റെ കൂട്ടുകാരന്‍
പകലിന്റെ തടവുകാരന്‍
നിഴല്‍!!!
നീ എവിടെ! എന്ന് ചോദിച്ചു തിരിയുമ്പോള്‍
മുന്‍പില്‍ കള്ള ചിരിയുമായീ ബാലഭാവത്തില്‍ അവന്‍
ഇപ്പൊ പിടിക്കും! എന്ന നേരംപോക്കില്‍
പൊട്ടിചിരിയുമായീ   പുറകില്‍  പതുങ്ങുന്ന
അവന്റെ കുസൃതി ..
എന്റെ ഒപ്പം എപ്പോഴും ഉണ്ട് എന്ന ...
ഓര്‍മപ്പെടുത്തലിനായീ    ഒളിച്ചു കളിക്കുന്ന
കള്ളത്തരത്തിന്റെ   ബാക്കിപത്രം ...
നിന്റെ ജനനം എനിക്ക് മുന്‍പോ പിന്‍പോ..?
നീ പോകുന്നത് എവിടേക്ക് ..
നീ മടങ്ങിവരുന്ന പാതകള്‍ വേഗതയേറിയവ..
മടങ്ങുന്ന വഴികള്‍ താണ്ടാന്‍ പ്രയാസം        

നിന്റെ പ്രയാണത്തിന്റെ അന്ത്യ വിധികര്‍താവ് ആര്      

1 comment:

അന്വേഷണത്തിന്റെ അവസാനം
അഭിപ്രങ്ങള്‍ക്ക് ഒരിടം !!